16 வயது சிறுமிக்கு 18 வயது நண்பி செய்த காரியம். ஏமாந்து போன பெற்றோர்.

0
178

இரவு நேரக் களியாட்ட விடுதியொன்றில் கிராமப்புறத்தைச் சேர்ந்த 15 வயது சிறுமியை நடனமாடும் பெண்கள் சிலருடன் அரை நிர்வாணமாக நடனமாடுவதற்கு பணிக்கப்பட்டுள்ளது.
தும்மலசூரிய பிரதேசத்தில் வசிக்கும் 15 வயதுடைய பாடசாலைக்கு செல்லும் மாணவியே கட்டாயத்தின் பேரில் களியாட்ட விடுதியில் அரை நிர்வாணமாக நடனமாடியுள்ளார்.
இந்தச் சிறுமியின் வீட்டிற்கு அடிக்கடி செல்லும் 18 வயது நண்பியொருவர், இந்தச் சிறுமியை திருமண வைபவமொன்றுக்கு கடந்த 16 ஆம் திகதி வாகனமொன்றில் அழைத்துச் சென்றுள்ளார்.
இந்த நிலையில், குறித்த சிறுமி நீண்ட நேரமாகியும் வீடு வந்து சேராமையினால், சிறுமியின் பெற்றோர்கள் தும்மலசூரிய பொலிஸ் நிலையத்தில் முறைப்பாடு செய்தனர்.
பொலிஸாரின் தேடுதல் நடவடிக்கையின் போதும் குறித்த சிறுமியைக் காணாத நிலையில், வெலிகடை பொலிஸ் நிலையத்திற்கு தகவல் வழங்கப்பட்டது.
வெலிகடைப் பொலிஸார் மேற்கொண்ட தீவிர விசாரணையில் சட்டவிரோதமான இயங்கிவரும் இரவுக்களியாட்ட விடுதியொன்றில் இந்தச் சிறுமி தடுத்து வைக்கப்பட்டமை கண்டறியப்பட்டது.
இதனையடுத்து, விரைவாகச் செயற்பட்ட வெலிகடைப் பொலிஸார், குறித்த சிறுமியை மீட்டு தும்மலசூரிய பொலிஸாரிடம் ஒப்படைத்துள்ளனர்.

அத்துடன், 15 வயது சிறுமியை ஏமாற்றி அழைத்துச்சென்ற பெண் தலைமறைவாகியுள்ள நிலையில், அவரைக் கைதுசெய்யும் நடவடிக்கையை பொலிஸார் முன்னெடுத்து வருகின்றனர்.
கடந்த 16 ஆம் திகதியில் இருந்து 20 ஆம் திகதி வரை இரவு களியாட்ட விடுதியில் தன்னை தடுத்து வைத்திருந்ததாகவும், தன்னை அரை நிர்மாணத்துடன் நடனமாட பணிக்கப்பட்டதாகவும் குறித்த சிறுமி பொலிஸாரிடம் குறிப்பிட்டுள்ளார்.
அத்துடன், தன்னை பாலியல் செயலில் ஈடுபடுவதற்கு நடுத்தர வயதுடைய ஒருவர் விலை பேசியதாகவும் அதற்கு விடுதியில் இருந்த ஒருவர் எதிர்ப்பு வெளியிட்டதனால் அது தவிர்க்கப்பட்டதாகவும் தனது வாக்குமூலத்தில் குறித்த சிறுமி தெரிவித்துள்ளார்.
எனினும் இந்தச் சிறுமி பாலியல் துஷ்பிரயோகத்திற்கு உள்ளாக்கப்பட்டுள்ளாரா என்பது குறித்து அறிவதற்காக வைத்தியப் பரிசோதனைக்கு உட்படுத்தப்படவுள்ளதாகவும் தெரிவிக்கப்பட்டுள்ளது.
அத்துடன், சட்டவிரோதமான இயங்கி வந்த இரவுக் களியாட்ட விடுதியில் இருந்து பாலியல் தொழிலில் ஈடுபட்ட 5 பெண்களைக் கைது செய்துள்ள பொலிஸார், குறித்த விடுதியில் வெளிநாட்டு மதுபானங்களை விற்பனை செய்த குற்றத்திற்காக 3 பணியாளர்களையும் 10 நபர்களையும் கைது செய்துள்ளனர்.
தலைமைறைவாகியுள்ள 18 வயதுடை பெண் மற்றும் இன்னொரு நபரைக் கைது செய்வதற்கு நடவடிக்கை எடுத்துள்ளதாகவும் வெலிகடைப் பொலிஸார் தெரிவித்துள்ளனர்.

உங்கள் கருத்துக்களை இங்கே பதியுங்கள்: