துப்பறிவாளன் திரைவிமர்சனம் சினிமா விமர்சனம். வீடியோ இணைப்பு

0
159

கரு : ஒரு சிறுவனின் வளர்ப்பு நாய் , மர்மமாக இறந்து போக ., அது பற்றி துப்பறிய களம் இறங்கும் ஒரு தனியார் துப்பறிவாளன் ., போலீஸ் உதவியுடன் பல கோடி பணத்திற்காக படுபாதக செயல்களில் இறங்கும் ஒரு நவீன கொலை கும்பலை தேடிப் பிடித்து அழிக்கும் விறு விறு கருவோடு வந்திருக்கும் படமே “துப்பறிவாளன்.”

கதை : தனியார் துப்பறிவாளர் கனியன் பூங்குன்றன் எனும் விஷால் , தன் உதவியாளர் மனோ பிரசன்னாவுடன் கொஞ்ச நாட்களாக தன் துப்பறிவு தாகத்திற்கேற்ற தீணி கிடைக்காது செம டென்ஷனில் இருக்கிறார். தன் காணாமல் போன (காதலனோடு ஓடிப்போன…) மகளைத் தேடித் தரச் சொல்லி 50 லட்சமும், அது பத்தாது எனில் .,பிளான்க் செக்கும் தர முன் வரும் ஒரு பிக் ஷாட்டின் கேஸை ., அந்த பெண்ணை கண்டுபிடித்தால் அந்தபிக் ஷாட் அப்பா மகளை போட்டு தள்ளி விடுவார் …. என லாஜிக் பேசியபடி கையில் எடுக்காது ., பிளான்க் செக்குக்கு நோ சொல்லும் விஷால் , ஒரு சிறுவனின் 837 ரூபாய் சேமிப்பு சில்லரை பணத்தை வாங்கிக் கொண்டு மர்மமான முறையில் இறந்த அவனது செல்ல நாயின் சாவிற்கு யார் காரணம் என துப்பறிய களம் இறங்குகிறார். அதில், பல கோடி பணத்திற்காக வினய் ,பாக்யராஜ் , ஆன்ட்ரியா ஜெர்மியானா , , ஜான் விஜய் …உள்ளிட்டோர் அடங்கிய ஹைடெக் கொலை கும்பல் … வசமாக சிக்குகிறது .அவர்களை போலீஸ் உதவியுடன் விஷால் எப்படி போட்டுத் தாக்கி., நாட்டுக்கு நல்லது செய்கிறார் ? என்பது தான் “துப்பபறிவாளன்” படத்தின் கதையும் களமும் .

காட்சிப்படுத்தல் :மிஷ்கின் இயக்கத்தில் ,விஷாலின் நடிப்பு மற்றும் தயாரிப்பில் ., விஷாலுடன் பிரசன்னா , வினய், பாக்யராஜ் , ஆன்ட்ரியா ஜெர்மியானா , அனு இமானுவேல், சிம்ரன் , ஜான் விஜய் , சாஜிதலைவாசல் விஜய் , ரவி மரியா , தீரஜ் ரத்தினம் ,வின்சென்ட் அசோகன் , அஜெய்ர்த்தினம் , ஜெயபிரகாஷ் … உள்ளிட்டோர் நடிக்க யு/ஏ சான்றிதழ் உடன் வந்திருக்கும் “துப்பறிவாளன் ” படத்தில் , மிஷ்கின் தன் பாணியில் ஹாலிவுட் தரத்திற்கு காட்சிப்படுத்தியிருக்கும் காட்சிகள் ஒரு வகையில் ஏ’ சென்டர் ரசிகர்களிடம் பலம் என்றாலும் பி & சி சென்டர்களில் பலமா ? பலவீனமா ..? என்பது ரசிகர்களின் கைகளிலேயே இருக்கிறது .

கதாநாயகர் : தனியார் துப்பறிவாளர் கனியன் பூங்குன்றனாக விஷால் , புகுந்து விளையாடி இருக்கிறார். தன் மோப்ப சக்தியாலும் , டி டக் டீவ் புத்தியாலும் பிக்பாக்கெட் பெண்ணில் தொடங்கி , படுபாதக வில்லன் வினய் வரை அவர் கண்டு பிடிக்கும் குற்றங்கள் … தியேட்டரில் செம அ ப்ளாஸ்வாங்குகிறது.

சீனர்களுடன் பைவ் ஸ்டார் ஹோட்டலில் போடும் சைனிஸ் பைட்டில் தொடங்கி க்ளைமாக்ஸில் பிச்சாவரம் காட்டில் ஆப்ரிக்கர்களுடன் போடும் கன் பைட் வரை சகலத்திலும் சக்கை போடு போட்டிருக்கிறார் மனிதர்.வெல்டன் விஷால்.

மற்றொரு நாயகர் : விஷாலின் உதவியாளர் , மனோ எனும் பிரசன்னா ராமருக்கு உதவிடும் அணில் மாதிரி க்ளைமாக்ஸில் மட்டும் விஷாலுக்கு பேரூதவி புரிந்தாலும் , படம் முழுக்க ரசிகர்களை தன் நடிப்பால் சீட்டோடு கட்டி போடுகிறார்.

கதாநாயகி பிக்பாக்கெட் பேர்வழியாக அறிமுகமாகி பின் ,விஷாலுக்காக உயிரையே விடும் மல்லிகாவாக அனுஇமானுவேல் மனம் கவருகிறார்.

வில்லன் & வில்லி: கொடூர கொலைகள் செய்யும் வில்லனாக நாயகர் வினய்யின் வில்லனிக் எண்ட்ரியும் , நாயகி ஆன்ட்ரியா ஹாலிவுட் வில்லிகள் மாதிரி, பைக் ரேஸ் , கார் சேஸ் என்றெல்லாம் பண்ணும் களே பரமும் படத்திற்கு பெரும் பலம்.

பிற நட்சத்திரங்கள் : சில சீன்களே வந்து வில்லன் வினய்யின் செயற்கை மின்னலால் புருஷனை இழந்து தவிக்கும் சிம்ரன் , ஆன்ட்ரியா மீது ஆசைப்பட்டு அவர் சாப்பிட்ட ஸ்பூனால் சாப்பிட்டு சபலத்தை தீர்த்துக் கொண்டு ஆன்ட்ரியா வாலேயே தீர்ந்து போகும் ஜான் விஜய் , போலீஸ் கருங்காலி ‘மோகமுள் ‘அபிஷேக் , பிக்ஷாட் அப்பா தலைவாசல் விஜய் , உட்கார்ந்து சாப்பிட அக்கா மகளை பிக்பாக்கெட் பேர்வழி யாக்கும் ரவி மரியா , சிம்ரனின் ஆசை புருஷனாக வந்து அநியாயமாக உயிர் விடும் வின்சென்ட் அசோகன் , போலீஸ் ஆபிஸர்ஸ் ‘ஆடுகளம் ‘நரேன் , அஜெய்ர்த்தினம் மற்றும் ,தீரஜ் ரத்தினம் சாஜி ஜெயபிரகாஷ் … உள்ளிட்ட அனைவரும் பாத்திரமறிந்து பளிச்சிட்டிருக்கின்றனர்.

தொழில்நுட்பகலைஞர்கள் : தினேஷ் காசியின் சண்டை பயிற்சியில் ஹாலிவுட் தரம். அருண்குமார் .என் னின் படத்தொகுப்பில் பழுதில்லை .வி.ஐ .கார்த்திக்கின் ஒளிப்பதிவு மிஷ்கினின் சஸ்பென்ஸ் , த்ரில்லர் , இயக்கத்திற்கு பலம் சேர்க்கும் பதிவு. ஆரல்கரோலியின் மிரட்டும் பின்னணி இசை படத்திற்கு பெரும் பலம் .

பலம் : ஹாலிவுட் தரம் .

பலவீனம் : பலவீனமும் அதே ஹாலிவுட் தரம் என்பது தான் ….

இயக்கம் : மிஷ்கினின் எழுத்து , இயக்கத்தில் கொடுத்த காசுக்கு ஒரு சிறந்த ஹாலிவுட் சஸ்பென்ஸ் ,திரில்லர் படம் பார்த்த திருப்தி . ஆனாலும் வினய் , வயிற்றை கிழித்த பின்பும் உயிரோடு இருக்கும் கதாநாயகி அனு இம்மானுவேலை ., ஹாஸ்பிடலுக்கு தூக்கி சென்று விஷால் காப்பாற்ற முயலாமல் “என் கிட்ட ஏன் வந்து சேர்ந்தம்மா ? “என கேட்டு அழுது புலம்பி அவரை சாகவிடுவதும் ., பல இடங்களில் , அதுவும் ., நம்ம ஊரில் , போலீஸையும் தாண்டி விஷால் , செயல்படுவதும் நம்ப முடியாத ஹம்பக் …. என்பது சற்றே இடிக்கிறது. மற்றபடி
“துப்பறிவாளன்’ – ‘ஜெகஜாலன்.”

Click Here To watch Video Thupparivaalan Movie Review Videos

உங்கள் கருத்துக்களை இங்கே பதியுங்கள்: